AC Milan ne ek zabardast jeet hasil ki, jisme unhone Torino ko 3-2 se hara diya. Aur is jeet ke asli hero the Christian Pulisic, jinhone second half mein aakar do shandaar goals maar kar match ko completely turn around kar diya. Fever se recover karke aane wale Pulisic ne prove kar diya ki kabhi-kabhi right player, right time hi sabse bada difference ban jaata hai.
Substitute ban kar aate hi, sirf 1 minute mein unhone equaliser maar diya, aur phir 77th minute mein comeback ko complete karte hue doosra goal joda. Unki space dhoondhne ki ability, sharp finishing, aur pressure moments mein composure ne Torino ki defence ko hila kar rakh diya.
Sirf 24 minutes mein 2 goals – ye stats clear dikhate hain ki Pulisic ki form kitni top-level par hai. Unki finishing, timing aur big moments mein step-up karne ki quality AC Milan ke liye priceless hai.
Fans ne bhi apni choice clear bata di – lagbhag 90% votes ke saath Pulisic ban gaye Match ke MVP. Adrien Rabiot aur Samuele Ricci ne bhi accha perform kiya, lekin Pulisic ki brilliance sab par bhaari padi. Iss performance ne upcoming matches ke liye Milan ko ek strong boost diya hai. Bravo Christian, keep going!
Pulisic Form mein, Par Fitness Concern Barqaraar
September mein jab Pulisic ko Serie A Player of the Month award mila, tab sabko laga ki yeh unka Milan career ka best season hoga. Aur numbers bhi wahi keh rahe hain — 12 matches mein 9 goals aur 2 assists, jo kaafi impressive hain.
Lekin dikkat yeh hai ki unhone abhi tak sirf 550 minutes hi khele hain – yani har match ka average playing time 46 minutes se bhi kam. Inconsistent fitness aur minor injuries fans aur pundits dono ke liye concern ban chuke hain.
Pulisic se jab unki limited playing time ke baare mein poocha gaya, toh unhone kaha: “Thoda strange lagta hai, main zyada rhythm paana chahta hoon. Team is saal kaafi accha kar rahi hai, hum har match ko ek-ek karke dekh rahe hain.”
Unka goal-per-minute ratio (har 61 minute mein ek goal) world-class numbers hain, par fitness stability hi unke liye biggest challenge bani hui hai.
TORINO vs AC MILAN 
